Qazaqstan Respýblıkasy Qorǵanys mınıstrliginiń buıryǵy  №196

2015 jylǵy 15 sáýir, Astana qalasy Azamattardy jalpyǵa birdeı áskerı oqytý baǵdarlamasyn bekitý týraly «Áskerı qyzmet jáne áskerı qyzmetshilerdiń mártebesi týraly» 2012 jylǵy 16 aqpandaǵy Qazaqstan Respýblıkasy Zańy 14-babynyń 2-tarmaǵyna sáıkes buıyramyn: 1. Qosa berilip otyrǵan Azamattardy jalpyǵa birdeı áskerı oqytý baǵdarlamasy bekitilsin. 2. Qazaqstan Respýblıkasy Qarýly Kúshteri Bas shtaby Uıymdastyrý-jumyldyrý jumystary departamentiniń bastyǵy: 1) zańnamada belgilengen tártippen osy buıryqty memlekettik tirkeý úshin Qazaqstan Respýblıkasynyń Ádilet mınıstrligine joldasyn; 2) memlekettik tirkelgennen keıin kúntizbelik on kún ishinde osy buıryqtyń kóshirmesin resmı jarııalaý úshin merzimdi baspasóz basylymdaryna jáne «Qazaqstan Respýblıkasy Ádilet mınıstrliginiń respýblıkalyq quqyqtyq aqparattyq ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesine joldasyn; 3) resmı jarııalanǵannan keıin osy buıryqty Qazaqstan Respýblıkasy Qorǵanys mınıstrliginiń resmı veb-saıtyna ornalastyrsyn. 3. Osy buıryqtyń oryndalýyn baqylaý Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵyna júktelsin. 4. Osy buıryq laýazymdy adamdarǵa, olarǵa qatysty bóliginde jetkizilsin. 5. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Qorǵanys mınıstri I.TASMAǴAMBETOV. «KELISILDI» Qazaqstan Respýblıkasy Memlekettik kúzet qyzmetiniń bastyǵy general-maıor A.Kúreńbekov 2015 jylǵy 15 mamyr «KELISILDI» Qazaqstan Respýblıkasy Ulttyq qaýipsizdik komıtetiniń tóraǵasy N.Ábiqaev 2015 jylǵy 1 maýsym «KELISILDI» Qazaqstan Respýblıkasynyń Ishki ister mınıstri polısııa general-leıtenanty Q.Qasymov 2015 jylǵy 28 sáýir Qazaqstan Respýblıkasy Qorǵanys mınıstriniń 2015 jylǵy 15 sáýirdegi №196 buıryǵymen bekitilgen Azamattardy jalpyǵa birdeı áskerı oqytý baǵdarlamasy R/s № Taqyryptyń ataýy Ýaqyty О́tkizý nysany 1 2 3 4 1. Kirispe 1. Týǵan Otanyn qorǵaý – árbir azamattyń qasıetti boryshy men mindeti 1 saǵat Dáris 2. Azamattyq qorǵanys 2. Qazirgi zamanǵy zaqymdaý quraldary. Tótenshe jaǵdaılarda halyqty qorǵaý jónindegi negizgi is-sharalar. Jeke jáne ujymdyq qorǵaý quraldary 2 saǵat Dáris 3. Zilzalalar, olardyń sıpaty men boljamdy saldary, zilzalalar týraly halyqty habardar etý tártibi 1 saǵat Dáris 4. Jaralanǵan, jaraqattanǵan kezde alǵashqy medısınalyq kómek kórsetý. Tańý, qan ketýdi toqtatý quraldary men tásilderi 2 saǵat Praktıkalyq sabaq 5. Jeke qorǵaý quraldary. Olardyń jiktelýi 2 saǵat Praktıkalyq sabaq 3. Taktıkalyq daıarlyq 6. Jalpyáskerı urys negizi. Oq atý júıesi 1 saǵat Dáris 7. Sarbazdyń urystaǵy is-qımyldary. Sarbaz shabýylda 1 saǵat Dáris 8. Sarbaz qorǵanysta. Bólimshe qorǵanysta 1 saǵat Dáris 4. Oq atý daıarlyǵy 9. Atys qarýynyń materıaldyq bóligi (Kalashnıkov avtomaty, Makarov pıstoleti, tankige qarsy qol granataatqyshy). Avtomatty (oqshashardy) bólshekteý jáne jınaý 2 saǵat Praktıkalyq sabaq 10. Qarý-jaraqpen, oq-dárilermen jáne jarylǵysh zattarmen jumys isteý kezindegi qaýipsizdik sharalary 2 saǵat Praktıkalyq sabaq 11. Atystyń negizderi men qaǵıdalary 2 saǵat Dáris 12. Avtomatqa tehnıkalyq qyzmet kórsetý jáne atýǵa daıyndaý 1 saǵat Praktıkalyq sabaq 5. Injenerlik daıarlyq 13. Bekinisti ınjenerlik jabdyqtaý jáne búrkemeleý 1 saǵat Dáris 14. Avtomattan, oqshashardan jáne granataatqyshtan atýǵa arnalǵan jeke jáne eki adamdyq jertasa jabdyqtaý 2 saǵat Praktıkalyq sabaq 6. Qazaqstan Respýblıkasy Qarýly Kúshteriniń, basqa da áskerleri men áskerı quralymdarynyń jalpyáskerı jarǵylary 15. Qazaqstan Respýblıkasy Qarýly Kúshteriniń, basqa da áskerleri men áskerı quralymdarynyń jalpyáskerı jarǵylary týraly túsinik. Áskerı ujymnyń ómiri men qyzmetindegi jalpyáskerı jarǵylardyń máni. Áskerı qyzmetshilerdiń jalpy mindetteri 1 saǵat Dáris 16. Áskerı ataqtar, aıyrym belgileri. Rota táýliktik narıadynyń taǵaıyndalýy, quramy jáne qarý-jaraǵy. Táýliktik narıadtyń mindetteri 1 saǵat Dáris 7. Áskerı topografııa 17. Jergilikti jerlerde kartasyz beıimdelý jáne azımýt boıynsha qozǵalý 2 saǵat Praktıkalyq sabaq Barlyǵy: 25 saǵat Buıryq Qazaqstan Respýblıkasynyń Ádilet mınıstrliginde 2015 jylǵy 3 shildedegi Normatıvtik quqyqtyq kesimderdi memlekettik tirkeýdiń tizilimine №11562 bolyp engizildi.